Expert Advisors ສ່ວນຫຼາຍບໍ່ຄ່ອຍມີປະສິດທິພາບ
ແຕ່ທັງນີ້ກໍ່ບໍ່ໄດ້ໝາຍຄວາມວ່າບໍ່ຄວນໃຊ້ ໂຣບບັອດ ໃນການເທຣດ ເພາະບາງອັນນັ້ນກໍ່ສາມາດສ້າງກຳໄລໃນຕະຫຼາດໄດ້ຈິງ ແຕ່ກໍ່ມີນ້ອຍ ແລະ ຍັງບໍ່ໝັ່ນຄົງ. ລອງມາເບິ່ງຕາມສະຖິຕິລອງເບິ່ງ ອັດຕາຊະນະໃນຕະຫຼາດຟເຣັກນັ້ນປະມານ 5-10% ລອງມາຈິນຕະນາການເບິ່ງ EA ທັງໝົດວ່າມັນຫຼາຍປານໃດ. ?
ໃນໂຣບັອດນັ້ນສ່ວນຫຼາຍມັນຍັງມີຂໍ້ບົກຜ່ອງຫຼາຍໆຢ່າງເຊັ່ນ:
- ປາສະຈາກລະບົບບໍລິຫານຄວາມສ່ຽງ ເຊິ່ງເປັນປະເດັນສຳຄັນຂອງຄວາມລົມເຫຼວຂອງເທຣດເດີຫຼາຍໆຄົນ. ເພື່ອທີ່ຈະປະສົບຜົນສຳເລັດໃນຟໍເຣັກ ທ່ານຕ້ອງວາງແຜນແບບເປັນຂັ້ນເປັນຕອນແລ້ວເຮັດຕາມຢ່າງລະມັກລະວັງ. ແຕ່ EA ສວນຫຼາຍນັ້ນເປີດອໍເດີແບບສຸ່ມ ຫຼື ໃຊ້ກົນລະຍຸດທີ່ສ່ຽງແລະ ອັນຕະລາຍ ຢ່າງເຊັ່ນການເປີດລັອດຄູນສອງເມື່ອໄປຜິດທາງ.
- ຕົ້ນທຶນການເປີດອໍເດີສູງ. ກົນລະຍຸດຂອງ EA ສ່ວນຫຼາຍແມ່ນຈະອີງຕາມຈຸດເປີດ ແລະ ການປິດແບບໄວໆດ້ວຍການເປີດອໍເດີໃຫຍ່ໆ. ຜົນກໍ່ຄື, ຕົ້ນທຶນຂຶງອໍເດີນັ້ນຈະເປັນຫຼາຍໂດລ່າຕໍ່ວັນ ເຊິ່ງບໍ່ສາມາດຄອບຄຸມກຳໄລທີ່ໃຊ້ EA ເທທຣດໄດ້.
- EA ນັ້ນຈະລ້າສະໄໝຢ່າງວ່ອງໄວ. ເມື່ອທ່ານເທຣດດ້ວຍຕົວເອງແລະ ເທຣດແບບຖືກຕ້ອງໄປຕະຫຼອດ ເມື່ອມາຮອດໄລຍະໜຶ່ງທ່ານຈະສັງເກດເຫັນໄດ້ວ່າທ່ານເລີ່ມໄດ້ກຳໄລນ້ອຍລົງເນື່ອງຈາກສະພາບຕະຫຼາດທີ່ປ່ຽນໄປ ທ່ານຈພຕ້ອງໄດ້ມາກວດສອບເບິ່ງການວິເຄາະຂອງ robot ທ່ານຄືນໃໝ່, ບໍ່ດັ່ງນັ້ນ ທ່ານຈະບໍ່ສາມາດສັງເກດໄດ້ວ່າທ່ານໄດ້ເສຍເງິນໄປຫຼາຍປານແລ້ວ.
- ກຳໄລຕ່ຳ. ຈະມີພຽງ EA ທີ່ວ່ອງໄວເທົ່ານັ້ນທີ່ຈະສາມາດສ້າງກຳໄລໃຫ້ທ່ານແບບສຳໝ່ຳສະເໝີ ແນວໃດກໍ່ຕາມເນື່ອງຈາກຄວາມສ່ຍງທີ່ສູງ ເລີຍເຮັດໃຫ້ບໍ່ແມ່ນທຸກຄົນຈະໃຊ້ງານມັນ.ຜົນກໍ່ຄືເທຣດເດີເລືອກໃຊ້ robot ທີ່ມີຄວາມສ້ຽງຕ່ຳແຕ່ແນວໃດກໍ່ບໍ່ໄດ້ກຳໄລແບບສະໝຳສະເໝີເລີຍເຮັດໃຫ້ພວກເຂົາເລີກໃຊ້ມັນ.
- EA ນັ້ນບໍ່ສາມາດປັບຕົວໄປຕາມສະພາວະຕະຫຼາດ ເນື່ອງຈາກເປັນພຽງຊຸດຄຳສັ່ງທີ່ຂຽນຂື້ນ ແລະ ມັນບໍ່ມີຄວາມຮູ້ສຶກໃດໆຢ່າງເຊັ່ນມະນຸດ ມັນບໍ່ເຂົ້າໃຈສະພາວະເສດຖະກິດ ແລະ ສຸດທ້າຍເຈົ້າອາດຈະຕ້ອງເປັນຄົນຄ່ອຍດູແລພວກ EA ຕ່າງໆເຫຼົ່ານັ້ນຢ່າງໃກ້ຊິດເພື່ອບໍ່ໃຫ້ມັນເກີດມີອໍເດີທີ່ສົ່ງຜົນເສຍ. ສະຫຼຸບຄື ແລ້ວການເທຣດດ້ວຍໂຣບັອດຕ້ອງເຮັດແນວໃດກັນແທ້?
ຕອນີ້ທ່ານຮູ້ແລ້ວວ່າຈຸດອ່ອນຂອງ robot ມີຫຍັງແນ່ເມື່ອທຽບກັບຜົນຕອບແທນຂອງມັນ ມາຄິດເບິ່ງອີກເທື່ອໜຶ່ງການເທຣດເອງອາດຈະດີກ່ວາແມ່ນບໍ?
ບໍ່ມາີອາຈານໃດທີ່ຈະປ່ຽນໃຫ້ທ່ານເປັນມືອາຊີບໄດ້
ຖ້າທ່ານຄິດວ່າການຫາອາຈານທີ່ດີມາສອນນັ້ນຈະເຮັດໃຫ້ທ່ານປະສົບຄວາມສຳເລັດໃນຟໍເຣັກນັ້ນໝາຍຄວາມວ່າທ່ານກຳລັງຫຼອກຕົວເອງ. ເພາະອາຈານນັ້ນສາມາດຊ່ວຍທ່ານໄດ້ພຽງແຕ່ເລີ່ມຕົ້ນເທົ່ານັ້ນໃນຕອນທີ່ທ່ານກຳລັງສຶກສາຫາຄວາມຮູ້ຫຼາກຫຼາຍຢ່າງຈາກຕະຫຼາດ ແລະ ພ້ອມດຽວກັນນັ້ນແທນທີ່ທ່ານຈະສຶກສາຄວາມຮູ້ຕ່າງໆໃຫ້ຖືກຕ້ອງຄົບຖ້ວນສາກ່ອນທ່ານກັບອາດຈະຕ້ອງການເຂົ້າສູ້ສະໜາມເທຣດຂອງຈິງເພື່ອເຝິກທັກສະການເທຣດຂອງທ່ານໄປນຳ. ແຕ່ເຖິງແນວໃດກໍ່ຕາມສິ່ງຕ່າງໆເຫຼົ່ານັ້ນທັງໝົດມັນຂື້ນຢູ່ກັບຕົວທ່ານຄົນດຽວ.
ເຊັ່ນດຽວກັບກິດຈະກຳອື່ນໆ ທ່ານຈະເປັນຜູ້ຊຽວຊານໄດ້ຕ້ອງອາໃສ່ການສັງສົມປະສົບການ ແລະ ຈົ່ງຍອມຮັບວ່າທ່ານອາດຈະຕ້ອງໃຊ້ເວລາໃນການເຝິກຜົນຕ່າງໆນານເປັນຫຼາຍພັນຊົ່ວໂມງ. ທ່ານອາດຈະປະສົບຜົນສຳເລັດໄດ້ໃນການທົດລອງຢູ່ຕະຫຼອດ, ບັງຄັບຕົວເອງໃຫ້ເຝິກຜົນແບບຄົງທີ່ ແລະ ຕໍ່ເນື່ອງ, ສຶກສາຈາກຄວາມຜິດພາດ. ດັ່ງນັ້ນມັນດີກ່ວາທີ່ຈະໃຊ້ເວລາສ່ວນຕົວໃນການເຝິກຝົນດີກ່ວາເອົາແຕ່ສະແຫວງອາອາຈານທີ່ດີມາສອນທ່ານ.
ບໍ່ມີນັກຂາຍ “ເມັດຖົວມະຫັດສະຈັນ” ລາຍໃນຟໍເຣັກ
ມີຫຼາຍຄົນທີ່ຢາກໃຊ້ເວລາຫຼາຍຂຊົ່ວໂມງໃນການເຝິກ່ອນທີ່ຈະລົງສະໜາມເທຣດດ້ວຍເງິນຈິງ. ຫຼາຍຄົນສະແຫວງຫາຫົນທາງທີ່ງ່າຍກ່ວານັ້ນ. ດັ່ງນັ້ນເລີຍເຫັນຄົນບາງກຸ່ມສະເໜີກົນລະຫຍຸດໃນການ “ສ້າງກຳໄລໃນຟໍເຣັກແບບໄວວາ” ເຊິ່ງກໍ່ຍັງມີຫຼາຍຄົນທີ່ເສຍເງິນຊື້ສິ່ງເຫຼົ່ານັ້ນ. ແນວໃດກໍ່ຕາມທ້າຍທີ່ທ່ານຈະຕ້ອງສາມາດສ້າງກຳໄລໄດ້ດ້ວຍການເຝິກຝົນຂອງທ່ານເອງໃນຕະຫຼາດຟໍເຣັກ.
ໂຊກອາດບໍ່ເຂົ້າຂ້າງປານໃດ, ດັ່ງກັບນິຍາຍໃນເລື່ອງເມັດຖົວມະຫັດສະຈັນທີ່ກ່າວວ່າ ຄວາມກະຫາຍທີ່ຈະໄດ້ກຳໄລສຸດທ້າຍມັນອາດຫຼີ້ນຕະລົກນຳເຈົ້າ ເພາະມັນບໍ່ມີ “ຈອກເວດສັກສິດ” ທີ່ຈະໃຊ້ໄດ້ແລະເຂົ້າກັບທຸກເທຣດເດີເພື່ອສ້າງເງິນໃຫ້ທ່ານ. ເພາະແມ້ແຕ່ກົນລະຍຸດທີ່ປະສົບຄວາມສຳເລັດທີ່ສຸດກໍ່ຍັງຕ້ອງອາໃສການວິເຄາະຕະຫຼາດ ແລະ ການປັບປ່ຽນຢູ່ຢ່າງສະໝ່ຳສະເໝີ.
ຖ້າທ່ານກຳລັງຄົ້ນຫາລະບົບເທຣດຢູ່ມັນອາດຈະດີກ່ວາທີ່ຈະຍອມຮັບໃນການພິສູດຂອງເທຣດເດີທັງໂລກທີ່ສະແດງໃຫ້ເຫັນແລ້ວວ່າບໍ່ບໍ່ມີຢູ່ຈິງ.
ຖ້າທ່ານຍັງຈະຕັດສິນໃຈຊື້ໂປຣແກຣມບາງຢ່າງນັ້ນ ລອງຄິດຄຳນຶງຄືນໃໝ່ວ່າທ່ານກຳລັງຈະເສຍເງິນໃຫ້ກັບຫຍັງກັນແທ້. ມີບາງບໍລິສັດ ແລະ ອາຈານຫຼາຍຄົນນັ້ນໂຄສະນາການສອນຟຣີ ແລະ ບອກວ່າຕ້ອງມີການລົງທຶນດ້ວຍວົງເງິນທີ່ສູງໃນກົນລະຍຸດຕ່າງໆຂອງເຂົາ ສ່ວນບາງກຸ່ມກໍ່ໂຄສະນາພຽງທິດສະດີດ້ານຂໍ້ມູນໂດຍປາສະຈາກການເຝິກຝົນ.
ເມື່ອທ່ານຊ້ໂປຣແກຣມໃດໜຶ່ງມາ, ຈົ່ງສອບຖາມແລະໝັ່ນໃນວ່າຈະມີການສະໜັບສະໜູນໃນອະນາຄົດ. ທ່ານຕ້ອງໄດ້ໂອລົມກັບຜູ້ຂາຍກົນລະຍຸດຂອງໂປຣແກຣມນັ້ນ ແລະ ສອບຖາມຂໍ້ມູນເພີ່ມເຕີມເພື່ອໃຫ້ທ່ານເຂົ້າໃນໂປຣແ.ຮມນັ້ນໆເລິກເຊິ່ງກ່ວາເກົ່າ.
ການສະໝັກຮຽນບ່ອນແພງບໍ່ໄດ້ໝາຍຄວາມວ່າມັນດີທີ່ສຸດ
ທຸກວັນນີ້, ທຸກຄົນຫຼົງເຊື່ອວ່າການລົງເງິນກັບການສຶກສາຫຼາຍປານໃດນັ້ນຈະສ້າງຜົນຕອບແທນກັບມາຫຼາຍແບບດຽວກັນ. ເຊິ່ງຄຳເວົ້ານີ້ອາດຖືກຕ້ອງໃນຂົງເຂດອາຊີບອື່ນໆ ແຕ່ໃຊ້ບໍ່ໄດ້ກັບຟໍເຣັກ
ໃນອິນເຕີເນັດນັ້ນເຕັມໄປດ້ວຍໂຄສະນາຊວນເຊື່ອ ມີການຂາຍຫຼັກສູດຮຽນລາຄາເປັນພັນໂດລາ. ແນວໃດກໍ່ຕາມມັນບໍ່ມີລັກສູດໃດຍືນຍັນຄວາມສຳເລັດຂອງທ່ານໄດ້. ທ່ານອາດຈະເສຍເງິນມະຫາສານໃນການຮຽນ ສ່ວນຜົນຕອບແທນກັບມານັ້ນມັນມັນຈະບໍ່ຕ່າງຫັຍງກັບການຮຽນໃນຫຼັກສູດທີ່ລາຄາຖືກກ່ວາ. ນອກຈາກນັ້ນ ເທຣດເດີບາງຄົນນັ້ນອ່ານພຽງໜັງສືລາຄາຖືກໆພຽງ10$ຂອງຜູ້ມີປະສົບການທົ່ວໂລກກໍ່ສາມາດເລີ່ມສ້າງກຳໄລໄດ້ແລ້ວ ແລະ ຍັງມີກຸ່ມຄົນອີກບາງສ່ວນທີ່ຫາອ່ານພຽງຂໍ້ມູນຟຣີທາງອິນເຕີເນັດບວກກັບການຝເິກຝົນຢູ່ບ່ອຍໆກໍ່ປສົບຜົນສພເລັດໄດ້ແລ້ວ.
ດັ່ງນັ້ນ, ຈົ່ງຢ່າເສຍເງິນຫຼາຍພັນໂດລາໄປກັບການຮຽນຫຼັກສູດແພງໆ ຈົ່ງເລືອກຢ່າງຄຸ້ນຄິດແລ້ວເບິ່ງຊ່ອງທາງຄວາມເປັນໄປໄດ້ໃຫ້ຖີ່ຖ້ວນ.
ຄຳກ່າວສຸດທ້າຍ
ມາຮອດນີ້, ຂ້າພະເຈົ້າຫວັງວ່າການທີ່ໄດ້ອ່ານກະທູ້ຕ່າງໆຫຼາກຫຼາຍທີ່ຜ່ານໆມານັ້ນອາດບໍ່ປະໂຫຍດກັບທ່ານບໍ່ຫຼາຍກໍ່ນ້ອຍກ່ຽວກັບການເທຣດໃນຟໍເຣັກ ແລະ ມັນຈະເປັນການເບີກທາງໃຫ້ທ່ານໃໝ່ໃນການມອງຕະຫຼາດຟໍເຣັກ. ຈົ່ງຢ່າສ້າງພາບລ້ວງຕາກ່ຽວກັບຄວາມສຳເລັດທີ່ວ່ອງໄວ ຈົ່ງຢ່າເຊື່ອນັກຂາຍທີ່ບອກວ່າທ່ານສາມາດກຳໄລ 100% ຈາກກົນລະຍຸດຂອງເຂົາ. ໃນການປະສົບຜົນສຳເລັດໃນຟໍເຣັກນັ້ນ ທ່ານຕ້ອງໄດ້ອາໃສຄວາມຈິງ ແລະ ການເຝິກຝົນເປັນເວລາຫຼາຍພັນຊົ່ວໂມງ.